2017陈村迎春花市开幕啦最强攻略，出
|
合作/推广：廖生 农历新年准备进入倒计时 小方嘅内心真系好兴奋~ 作为顺德人 系过年前有件事系一定要做嘅 咁就系——行花街！ 寻日，第33届陈村花市开幕， 时间定在1月17日—26日 堪称顺德乃至全国鼎鼎大名的迎春花市 小方趁机去凑左个热闹！ 大家跟住我地嘅脚步一齐去睇下啦！ 第33届陈村花市开幕式1月17日上午，陈村花卉世界展览中心锣鼓喧天，吸引左一大班街坊。虽然天气唔算太好，但系开幕式现场都系坐满左人。 10点左右开幕式正式开始，系大屏幕回顾左郁金香花展嘅盛况之后，精神抖擞嘅醒狮队一上台就燃起左现场嘅气氛。 “金鼓一响，黄金万两，金狮点睛，富贵繁荣”，六只狮子跟住锣鼓嘅节奏，同大家作揖行礼，仲会行到台下同观众互动。好多街坊都忍唔住，纷纷拿起手机留低呢个欢乐嘅瞬间。 金狮采青之后，系精彩嘅鼓舞表演。鼓手整齐划一嘅动作，振奋人心嘅鼓点，赢来左阵阵掌声。 跟住落黎，系佛山人气乐队radioman热情献唱《财神到》，就系他们唱住“财神到，财神到”嘅同时，财神爷同运财童子都出现系台下，为大家派糖果利是，现场嘅气氛再一次推向高潮。 黎到呢度，大家都有D迫不及待，开幕式一结束，大家都齐齐奔向左花市。我们都去一探究竟吧！ 各式鲜花异彩纷呈陈村被誉为岭南花乡，系中国花卉之都。陈村花市亦都系佛山地区最大嘅，无论系规模、品种定系人流黎讲，系国内都首屈一指。 系陈村花卉世界嘅年宵花直销中心，鲜花品类繁多，各式鲜花争奇斗艳，睇到小方目不暇接！ 今年，陈村迎春花市依然以传统年桔、蝴蝶兰、大花蕙兰、国兰、百合花、红掌、凤梨等为主，由于系花市第一日，价格相对会高D。 年桔 大花蕙兰 红掌 蝴蝶兰 凤梨花 君子兰 蝴蝶兰系花市里最常见嘅，颜色多样：白色、黄色、金黄色、淡紫色、深紫色，令人眼花缭乱。 除左蝴蝶兰，大花蕙兰都系大家比较喜欢嘅花，因为花色鲜艳，花型秀美深受大家欢迎，而且佢地嘅花期都比较长，有两到三个月，非常耐看！ ▲这个叫红酒之恋，听起来都觉得好浪漫呢！ 佛山人过年都希望红红火火，所以陈村花市红色系的花木都不少，好似日本海棠、一品红、杜鹃、苹果、蟹爪兰、满堂红、富贵子，睇起身就觉得好喜庆！ 小方逛左一圈，好多好意头嘅年花都有：五代同堂（又叫黄金果），万寿菊、茶花同马蹄莲。 仲有一D花，唔单止生得靓，个名仲好得意添！ ▲呢个叫兜兰，亦叫拖鞋兰（呢个角度其实唔系好似拖鞋，哈哈） ▲呢个系卡特兰（系米霖起某个地方名呢），叫金玉满堂 ▲呢个系万代兰 除左年花，现场仲有好多小盆栽同多肉植物，小巧可爱，钟意影相嘅朋友一定唔可以错过！ 今年，花卉世界仲系欧洲进口左水仙、风信子等新品种。大家看这些风信子，因为仲没开花，所以睇起身有D似蒜头，哈哈~ 买珲春办年货花市期间仲有一个“广佛迎春年俗商品博览会”，各位街坊系选购年宵花嘅同时，仲可以黎呢度买珲春办年货！ ▲各地特产年货 值得一提嘅系，呢度嘅珲春都系义卖，所得嘅善款都会捐赠比陈村镇慈善会同埋陈村敬老院！有需要嘅街访都可以过黎睇睇架！ ▲福到哦~ 今年嘅陈村迎春花市从1月17日开始， 到1月26日结束，为期十日， 想要赏花买花哥街坊快D趁住放假 同家人朋友一齐去买心水靓花，行翻个大运啦！ 交通信息 自驾车指引 驾车线路：导航路线请搜索“陈村花卉世界展览中心” 1、从广州出发——环城高速——广珠西线——广明高速——花卉大道； 2、从深圳、东莞出发——广深高速——环城高速——广珠西线——广明高速——花卉大道； 3、从珠海、江门、中山出发——京珠高速——中江高速——广珠西线——佛陈公路——花卉大道； 4、从增城、惠州、河源出发——广惠高速——广深高速——广州环城高速——广珠西线——广明高速——花卉大道。 公交指引 1、公交车：搭乘、、、、、、、、旅游城巴4号线、佛山城巴到顺德专线，在“花卉世界”站下车； 2、地铁：广佛线“桂城”站，出站后换乘至“花卉世界”站下车达到展览中心； 广州地铁2号线“广州南站”站，出站后换乘K6快线，将从年12月30日至年1月26日期间，临时增设停靠花卉世界站。 ※感谢我爱大佛山提供素材信息 赞赏 |
转载请注明地址:http://www.yingchunhuaa.com/ychjz/1164.html
- 上一篇文章： 最新文华迎春花市档位起投价出炉内附花
- 下一篇文章： 迎春花市今天开市，年花年桔价格与去年持平
